गणेश चालीसा
॥ दोहा ॥
जय गणपति सदगुण सदन,कविवर बदन कृपाल।
विघ्न हरण मंगल करण,जय जय गिरिजालाल॥
॥ चौपाई ॥
जय जय जय गणपति गणराजू।मंगल भरण करण शुभः काजू॥
जै गजबदन सदन सुखदाता।विश्व विनायका बुद्धि विधाता॥
वक्र तुण्ड शुची शुण्ड सुहावना।तिलक त्रिपुण्ड भाल मन भावन॥
राजत मणि मुक्तन उर माला।स्वर्ण मुकुट शिर नयन विशाला॥
पुस्तक पाणि कुठार त्रिशूलं।मोदक भोग सुगन्धित फूलं॥
सुन्दर पीताम्बर तन साजित।चरण पादुका मुनि मन राजित॥
धनि शिव सुवन षडानन भ्राता।गौरी लालन विश्व-विख्याता॥
ऋद्धि-सिद्धि तव चंवर सुधारे।मुषक वाहन सोहत द्वारे॥
कहौ जन्म शुभ कथा तुम्हारी।अति शुची पावन मंगलकारी॥
एक समय गिरिराज कुमारी।पुत्र हेतु तप कीन्हा भारी॥
भयो यज्ञ जब पूर्ण अनूपा।तब पहुंच्यो तुम धरी द्विज रूपा॥
अतिथि जानी के गौरी सुखारी।बहुविधि सेवा करी तुम्हारी॥
अति प्रसन्न हवै तुम वर दीन्हा।मातु पुत्र हित जो तप कीन्हा॥
मिलहि पुत्र तुहि, बुद्धि विशाला।बिना गर्भ धारण यहि काला॥
गणनायक गुण ज्ञान निधाना।पूजित प्रथम रूप भगवाना॥
अस कही अन्तर्धान रूप हवै।पालना पर बालक स्वरूप हवै॥
बनि शिशु रुदन जबहिं तुम ठाना।लखि मुख सुख नहिं गौरी समाना॥
सकल मगन, सुखमंगल गावहिं।नाभ ते सुरन, सुमन वर्षावहिं॥
शम्भु, उमा, बहुदान लुटावहिं।सुर मुनिजन, सुत देखन आवहिं॥
लखि अति आनन्द मंगल साजा।देखन भी आये शनि राजा॥
निज अवगुण गुनि शनि मन माहीं।बालक, देखन चाहत नाहीं॥
गिरिजा कछु मन भेद बढायो।उत्सव मोर, न शनि तुही भायो॥
कहत लगे शनि, मन सकुचाई।का करिहौ, शिशु मोहि दिखाई॥
नहिं विश्वास, उमा उर भयऊ।शनि सों बालक देखन कहयऊ॥
पदतहिं शनि दृग कोण प्रकाशा।बालक सिर उड़ि गयो अकाशा॥
गिरिजा गिरी विकल हवै धरणी।सो दुःख दशा गयो नहीं वरणी॥
हाहाकार मच्यौ कैलाशा।शनि कीन्हों लखि सुत को नाशा॥
तुरत गरुड़ चढ़ि विष्णु सिधायो।काटी चक्र सो गज सिर लाये॥
बालक के धड़ ऊपर धारयो।प्राण मन्त्र पढ़ि शंकर डारयो॥
नाम गणेश शम्भु तब कीन्हे।प्रथम पूज्य बुद्धि निधि, वर दीन्हे॥
बुद्धि परीक्षा जब शिव कीन्हा।पृथ्वी कर प्रदक्षिणा लीन्हा॥
चले षडानन, भरमि भुलाई।रचे बैठ तुम बुद्धि उपाई॥
चरण मातु-पितु के धर लीन्हें।तिनके सात प्रदक्षिण कीन्हें॥
धनि गणेश कही शिव हिये हरषे।नभ ते सुरन सुमन बहु बरसे॥
तुम्हरी महिमा बुद्धि बड़ाई।शेष सहसमुख सके न गाई॥
मैं मतिहीन मलीन दुखारी।करहूं कौन विधि विनय तुम्हारी॥
भजत रामसुन्दर प्रभुदासा।जग प्रयाग, ककरा, दुर्वासा॥
अब प्रभु दया दीना पर कीजै।अपनी शक्ति भक्ति कुछ दीजै॥
॥ दोहा ॥
श्री गणेश यह चालीसा,पाठ करै कर ध्यान।
नित नव मंगल गृह बसै,लहे जगत सन्मान॥
सम्बन्ध अपने सहस्र दश,ऋषि पंचमी दिनेश।
पूरण चालीसा भयो,मंगल मूर्ती गणेश॥
Ganesha Chalisa
॥ Doha ॥
Jay Ganpati Sadgun Sadan, Kavivar Badan Kripal।
Vighn Haran Mangal Karan, Jay Jay Girijaalal॥
॥ Chaupai ॥
Jay Jay Jay Ganpati Ganraju। Mangal Bharan Karan Shubh Kaaju॥
Jai Gajabadan Sadan Sukhdata। Vishwa Vinaayaka Buddhi Vidhata॥
Vakratund Shuchi Shunda Suhaavana। Tilak Tripund Bhaal Man Bhaavana॥
Rajat Mani Muktaan Ur Maala। Swarn Mukut Shir Nayan Vishaala॥
Pustak Paani Kuthaar Trishoolam। Modak Bhog Sugandhit Phoolam॥
Sundar Peetaambar Tan Sajit। Charan Paaduka Muni Man Raajit॥
Dhani Shiv Suvan Shadanan Bhraata। Gauri Laalan Vishva-Vikhyata॥
Riddhi-Siddhi Tav Chhavara Sudhaare। Mushak Vaahan Sohat Dvaare॥
Kahau Janam Shubh Katha Tumhaari। Ati Shuchi Paavan Mangalkaari॥
Ek Samay Giriraj Kumaari। Putr Hetu Tap Keenha Bhaari॥
Bhayo Yajna Jab Poorn Anoopaa। Tab Pahunchyo Tum Dhari Dwij Roopaa॥
Atithi Jaani Ke Gauri Sukhaari। Bahuvadhi Seva Kari Tumhaari॥
Ati Prasann Havai Tum Var Deenha। Maatu Putr Hit Jo Tap Keenha॥
Milahi Putr Tuhi, Buddhi Vishaala। Bina Garbh Dhaaran Yahi Kaala॥
Gananaayak Gun Gyaan Nidhaana। Poojit Pratham Roop Bhagwaana॥
As Kahin Antardhaan Roop Havai। Paalana Par Baalak Swaroop Havai॥
Bani Shishu Rudan Jabahin Tum Thaana। Lakhi Mukh Sukh Nahin Gauri Samaana॥
Sakal Magan, Sukh Mangal Gaavahin। Naabh Te Suran, Suman Varshaavahin॥
Shambhu, Uma, Bahudaan Lutaavahin। Sur Munijan, Sut Dekhan Aavahin॥
Lakhi Ati Anand Mangal Saaja। Dekhan Bhi Aaye Shani Raajaa॥
Nij Avgun Gun Shanि Man Maahi। Baalak, Dekhan Chaahat Naahi॥
Girija Kachhu Man Bhed Badhaayo। Utsav Mor, Na Shani Tuhi Bhaayo॥
Kahat Lage Shani, Man Sukhchaai। Kaa Karihau, Shishu Mohi Dikhaai॥
Nahin Vishvaas, Uma Ur Bhayo। Shani Son Baalak Dekhan Kahayo॥
Padtahin Shani Drig Kon Prakaasha। Baalak Sir Uṛi Gayo Akaasha॥
Girija Giri Vikal Havai Dharani। So Dukh Dashaa Gayo Nahin Varani॥
Haahaakaar Machyo Kailaashaa। Shani Keeṅho Lakhi Sut Ko Naashaa॥
Turat Garud Chadhi Vishnu Sidhaayo। Kaati Chakr So Gaj Sir Laayo॥
Baalak Ke Dhadh Upar Dhaaryo। Praan Mantra Padh Shankar Daaryo॥
Naam Ganesh Shiv Tab Keenha। Pratham Poojy Buddhi Nidhi, Var Deenha॥
Buddhi Pariksha Jab Shiv Keenha। Prithvi Kar Pradakshinaa Leenha॥
Chale Shadanan, Bhrami Bhulaayi। Rache Baitḥ Tum Buddhi Upaayi॥
Charan Maatu-Pitu Ke Dhar Leenha। Tinke Saat Pradakshin Keenha॥
Dhani Ganesh Kahin Shiv Hiye Harashe। Nabh Te Suran Suman Bahu Barse॥
Tumhari Mahima Buddhi Badaai। Shesh Sahas Mukh Sake Na Gaai॥
Main Matihin Mlin Dukhaari। Karahu Kaun Vidhi Vinay Tumhaari॥
Bhajat Ram Sundar Prabhu Daasa। Jag Prayag, Kakara, Durvaasa॥
Ab Prabhu Daya Deena Par Keejai। Apni Shakti Bhakti Kuch Deejai॥
॥ Doha ॥
Shri Ganesh Yeh Chalisa, Paath Karai Kar Dhyaan।
Nitt Nav Mangal Grih Basai, Lahe Jagat Sanmaan॥
Sambandh Apne Sahasra Dash, Rishi Panchami Dinesh।
Pooran Chalisa Bhayo, Mangal Moorti Ganesh॥