सूर्य चालीसा
॥दोहा॥
कनक बदन कुण्डल मकर, मुक्ता माला अङ्ग,
पद्मासन स्थित ध्याइए, शंख चक्र के सङ्ग॥
॥चौपाई॥
जय सविता जय जयति दिवाकर!, सहस्त्रांशु! सप्ताश्व तिमिरहर॥
भानु! पतंग! मरीची! भास्कर!, सविता हंस! सुनूर विभाकर॥ १॥
विवस्वान! आदित्य! विकर्तन, मार्तण्ड हरिरूप विरोचन॥
अम्बरमणि! खग! रवि कहलाते, वेद हिरण्यगर्भ कह गाते॥ २॥
सहस्त्रांशु प्रद्योतन, कहिकहि, मुनिगन होत प्रसन्न मोदलहि॥
अरुण सदृश सारथी मनोहर, हांकत हय साता चढ़ि रथ पर॥३॥
मंडल की महिमा अति न्यारी, तेज रूप केरी बलिहारी॥
उच्चैःश्रवा सदृश हय जोते, देखि पुरन्दर लज्जित होते॥४॥
मित्र मरीचि, भानु, अरुण, भास्कर, सविता सूर्य अर्क खग कलिकर॥
पूषा रवि आदित्य नाम लै, हिरण्यगर्भाय नमः कहिकै॥५॥
द्वादस नाम प्रेम सों गावैं, मस्तक बारह बार नवावैं॥
चार पदारथ जन सो पावै, दुःख दारिद्र अघ पुंज नसावै॥६॥
नमस्कार को चमत्कार यह, विधि हरिहर को कृपासार यह॥
सेवै भानु तुमहिं मन लाई, अष्टसिद्धि नवनिधि तेहिं पाई॥७॥
बारह नाम उच्चारन करते, सहस जनम के पातक टरते॥
उपाख्यान जो करते तवजन, रिपु सों जमलहते सोतेहि छन॥८॥
धन सुत जुत परिवार बढ़तु है, प्रबल मोह को फंद कटतु है॥
अर्क शीश को रक्षा करते, रवि ललाट पर नित्य बिहरते॥९॥
सूर्य नेत्र पर नित्य विराजत, कर्ण देस पर दिनकर छाजत॥
भानु नासिका वासकरहुनित, भास्कर करत सदा मुखको हित॥१०॥
ओंठ रहैं पर्जन्य हमारे, रसना बीच तीक्ष्ण बस प्यारे॥
कंठ सुवर्ण रेत की शोभा, तिग्म तेजसः कांधे लोभा॥११॥
पूषां बाहू मित्र पीठहिं पर, त्वष्टा वरुण रहत सुउष्णकर॥
युगल हाथ पर रक्षा कारन, भानुमान उरसर्म सुउदरचन॥१२॥
बसत नाभि आदित्य मनोहर, कटिमंह, रहत मन मुदभर॥
जंघा गोपति सविता बासा, गुप्त दिवाकर करत हुलासा॥१३॥
विवस्वान पद की रखवारी, बाहर बसते नित तम हारी॥
सहस्त्रांशु सर्वांग सम्हारै, रक्षा कवच विचित्र विचारे॥१४॥
अस जोजन अपने मन माहीं, भय जगबीच करहुं तेहि नाहीं ॥
दद्रु कुष्ठ तेहिं कबहु न व्यापै, जोजन याको मन मंह जापै॥१५॥
अंधकार जग का जो हरता, नव प्रकाश से आनन्द भरता॥
ग्रह गन ग्रसि न मिटावत जाही, कोटि बार मैं प्रनवौं ताही॥
मंद सदृश सुत जग में जाके, धर्मराज सम अद्भुत बांके॥१६॥
धन्य-धन्य तुम दिनमनि देवा, किया करत सुरमुनि नर सेवा॥
भक्ति भावयुत पूर्ण नियम सों, दूर हटतसो भवके भ्रम सों॥१७॥
परम धन्य सों नर तनधारी, हैं प्रसन्न जेहि पर तम हारी॥
अरुण माघ महं सूर्य फाल्गुन, मधु वेदांग नाम रवि उदयन॥१८॥
भानु उदय बैसाख गिनावै, ज्येष्ठ इन्द्र आषाढ़ रवि गावै॥
यम भादों आश्विन हिमरेता, कातिक होत दिवाकर नेता॥१९॥
अगहन भिन्न विष्णु हैं पूसहिं, पुरुष नाम रविहैं मलमासहिं॥२०॥
॥दोहा॥
भानु चालीसा प्रेम युत, गावहिं जे नर नित्य,
सुख सम्पत्ति लहि बिबिध, होंहिं सदा कृतकृत्य॥
Surya Chalisa
|| Doha ||
Kanak badan kundal makar, mukta mala ang,
Padmasan sthit dhyanie, shankh chakra ke sang.
|| Chaupai ||
Jay savita jay jayati divakar!, sahastranshu! Saptashv timirahar||
Bhanu! Patang! Marichi! Bhaskar!, savita hams! Sunur vibhakar||1||
Vivaswan! Aditya! Vikartan, martand hariroop virochan||
Ambarmani! Khag! Ravi kahalate, ved hiranyagarbh kah gaate||2||
Sahastranshu pradyotan, kahi kahi, munigan hot prasann modlahi||
Arun sadrish sarathi manohar, haankat hay sata chadhi rath par||3||
Mandal ki mahima ati nyari, tej roop keri balihari||
Ucchaishrava sadrish hay jote, dekhi purandar lajjit hote||4||
Mitr marichi, bhanu, arun, bhaskar, savita surya ark khag kalikar||
Pusha ravi aditya naam lai, hiranyagarbhaya namah kahai||5||
Dwadash naam prem so gaavain, mastak barah bar navavain||
Char padaarth jan so paavain, dukh daaridra agh punj nasaavain||6||
Namskar ko chamatkar yah, vidhi harihar ko kripaasar yah||
Sevai bhanu tumahin man laai, ashtasiddhi navnidhi tehin paai||7||
Barah naam ucharan karate, sahas janam ke paatak tarate||
Upakhyaan jo karate tavjan, ripu son jamalhate sotehi chan||8||
Dhan sut jut parivaar badhat hai, prabal moh ko phand katat hai||
Ark sheesh ko raksha karate, ravi lalaat par nitya biharate||9||
Surya netra par nitya viraajat, karn des par dinakar chhajat||
Bhanu naasika vaasakarhunit, bhaskar karat sada mukh ko hit||10||
Oath rahai parjanya hamaare, rasna beech teekshn bas pyare||
Kanth suvarn ret ki shobha, tigam tejasa kandhe lobha||11||
Pushan baahu mitra peethahin par, tvasta varun rahat suushnakar||
Yugal haath par raksha kaaran, bhanuman urasarm suudarachan||12||
Basat nabhi aditya manohar, katimanh, rahat man mudbhar||
Jangha gopati savita basa, gupt divakar karat hulaasa||13||
Vivaswan pad ki rakhavaari, baahar basate nit tam haari||
Sahastranshu sarvang samhaarai, raksha kavach vichitr vichaare||14||
As jojan apne man maahi, bhay jagbeech karahu tehi naahi||
Dadru kushta tehin kabahu na vyaapai, jojan yaako man manh jaapai||15||
Andhakaar jag ka jo harata, nav prakash se aanand bharata||
Grah gan grasi na mitaavat jaahi, koti baar main pranvau taahi||
Mand sadrish sut jag mein jaake, dharmaraj sam adbhut banake||16||
Dhany-dhany tum dinamani deva, kiya karat suramuni nar seva||
Bhakti bhaavyut poorn niyam so, door hattaso bhavake bhram so||17||
Param dhany so nar tandhaari, hain prasann jehi par tam haari||
Arun magh maham surya phaalguna, madhu vedaang naam ravi udayan||18||
Bhanu uday baisaakh ginaavai, jyeshth indra aashaadh ravi gaavai||
Yam bhaadon aashvin himreta, kaatik hot divakar neta||19||
Agahan bhinna vishnu hain poosahin, purush naam ravihain malamaasahin||20||
|| Doha ||
Bhanu chalisa prem yut, gaavahin je nar nitya,
Sukh sampatti lahi bibidh, hoihin sadaa kritakritya||